Fondi Kosovaro-Amerikan për Edukim (KAEF)
Fondi Kosovaro-Amerikan për Edukim (KAEF) është një program prestigjioz që ofron bursa në nivel masteri, të bazuara në meritë, për të rinjët Kosovarë për të studiuar në universitetet më të dalluara në SHBA. Bursat e KAEF dedikohen për një grup të përzgjedhur individësh të talentuar dhe të përkushtuar, me potencial të fortë lidershipi. Programi synon të fuqizojë liderët e ardhshëm të Kosovës me njohuritë dhe aftësitë e nevojshme për të promovuar zhvillimin ekonomik të vendit.
I themeluar me fonde nga Agjencia e Shteteve të Bashkuara për Zhvillim Ndërkombëtar (USAID), KAEF ka vepruar si një entitet i pavaruar që nuk ka marrur fonde nga qeveria amerikane që nga viti 2004. Sot, KAEF mbështetet kryesisht nga mbështetja filantropike e individëve dhe bizneseve në Kosovë, mbështetësit amerikanë, dhe universitetet amerikane.
Që nga themelimi i programit, mbi 111 studentë kanë ndjekur studimet e tyre të masterit në Shtetet e Bashkuara përmes bursës KAEF.