Aplikimi për Fulbright Foreign Student Program (Programi Master) është hapur për vitin akademik 2022-23
Në emër të Ambasadës së SHBA-ve në Kosovë, ju informojmë se aplikimi për Fulbright Foreign Student Program (Programi Master) tashmë është i hapur për vitin akademik 2022-23.
Për më tepër informata mbi programin, aplikimin online dhe udhëzime, ju lutemi klikoni këtu.
Data e fundit për aplikim është 31 maj 2021.
Fulbright Foreign Student Program (Programi Master) sjell qytetarët e Kosovës në Shtetet e Bashkuara të Amerikës për të vazhduar studimet master në universitetetet e SHBA-ve. Ky program ka sjellur disa nga mendjet më të ndritura të botës nëpër kampuset e SHBA-ve dhe u ofron pjesmarrësve të programit njohuri mbi shoqërinë dhe vlerat e SHBA-ve. Shumë nga bursistët e programit Fulbright janë profesionistë në fillet e karierës të cilët kthehen në vendet e tyre dhe marrin pozita udhëheqëse, shpesh, për të punuar në sektorin publik përfshirë qeverinë apo universitetet.
Ky program, është program i përbashkët i Departamentit të Shtetit Amerikan dhe Qeverisë së Kosovës.