Programi YES

Përmes programit Kennedy-Lugar Youth Exchange and Study (YES) të Departamentit të Shtetit të SHBA-së, nxënësit e shkollave të mesme nga vende me rëndësi strategjike në mbarë botën jetojnë dhe studiojnë për një vit akademik në Shtetet e Bashkuara. Nxënësit e Programit YES shërbejnë si “ambasadorë të rinisë” të vendit të tyre duke krijuar marrëdhënie të qëndrueshme me familjet dhe komunitetet pritëse. Pjesëmarrësit jetojnë me një familje pritëse, ndjekin mësimet në një shkollë të mesme amerikane, fitojnë aftësi lidershipi dhe marrin pjesë në aktivitete për të mësuar rreth shoqërisë amerikane; ata gjithashtu ndihmojnë në informimin e amerikanëve për vendin dhe kulturën e tyre. Nxënësit e shkollave të mësme, aplikojnë për programin YES përmes një procesi të rreptë dhe me bazë merite. Programi YES u themelua nga Kongresi në tetor të vitit 2002. Programi YES Abroad u krijua në vitin 2009 për t’u ofruar një përvojë të ngjashme nxënësve amerikanë (15–18.5 vjeç) që të kalojnë një vit akademik në disa prej vendeve pjesëmarrëse në programin YES.

Organizatat vendore jo-fitimprurëse të shkëmbimit, të udhëhequra nga American Councils for International Education, rekrutojnë dhe përzgjedhin pjesëmarrësit e YES dhe koordinojnë aktivitetet e alumnive. Organizatat jo-fitimprurëse të shkëmbimit vendosin dhe mbështesin nxënësit e Programit YES në Shtetet e Bashkuara.