Hapet Programi Fulbright për studentë të nivelit master për vitin akademik 2024-2025
Programi Fulbright për studentë të nivelit master ua mundëson qytetarëve të Kosovës të studiojnë në universitetet amerikane në Shtetet e Bashkuara. Programi sjell disa nga mendjet më të mira të botës në kampuset e SHBA-së dhe u ofron pjesëmarrësve të programit njohuri mbi shoqërinë dhe vlerat amerikane. Shumë përfitues të huaj të programit Fulbright janë profesionistë të karrierës së hershme, të cilët kthehen për të marrë pozita drejtuese në vendet e tyre të origjinës, shpesh duke punuar në sektorin publik, si në qeveri ose në universitete.
Aplikimi online për Programin Fulbright për nivelin master 2024-2025 do të jetë i hapur deri më 1 maj 2023.
Për të mësuar më shumë rreth programit, kritereve dhe formës së aplikimit ju lutemi vizitoni: U.S. Embassy in Kosovo
Për informacion shtesë ose për çdo pyetje, ju lutemi kontaktoni: Koordinatoren e Programit të USKEB Nora Nimani-Musa në nmusa@americancouncils.org ose telefononi në +383 38 226 255.
Ky program bashkëfinancohet nga Departamenti i Shtetit Amerikan dhe Qeveria e Kosovës