Programi Fulbright Specialist tashmë është i hapur për dorëzimin e projekt propozimeve për vitin 2023
Bordi i Shkëmbimit Arsimor Shtete të Bashkuara të Amerikës – Kosovë, fton të gjitha institucionet kosovare që të dorëzojnë projekt propozimet e tyre për Programin Fulbright Specialist (FSP), përmes të cilit studiues dhe profesionistë amerikanë të kualifikuar, mund të vijnë në Kosovë për dy deri në gjashtë javë për të implementuar projektin e definuar. Aplikacionet duhet të dorëzohen përmes portalit të World Learning deri më datë 24 prill, 2023.
Për të aplikuar: https://worldlearning-community.force.com/FSPHost/
Projektet duhet të fillojnë jo më herët se 1 tetor, 2023 dhe duhet të kompletohen deri më 30 shtator, 2024. Programi Fulbright Specialist në Kosovë mund të ofroj deri në dhjetë (10) grante për vit akademik.
Ky program bashkëfinancohet nga Departamenti i Shtetit Amerikan dhe Qeveria e Kosovës.