Trajnim në edukim medial për nxënësit e shkollave të mesme: MEET Western Balkans

Këshilli Amerikan është i lumtur të ofrojë një trajnim unik për nxënësit e shkollave të mesme nga rajoni i Ballkanit Perëndimor në fushën e edukimit medial!

Media Education Exchange Talks: Western Balkans është një program mësimi virtual për nxënësit e shkollave të mesme që dëshirojnë të mësojnë rreth edukimit medial dhe të takojnë virtualisht (ose personalisht në një konferencë në Beograd, Serbi) studentë të tjerë nga rajoni.

Nëse jeni nxënës i shkollës së mesme nga Shqipëria, BeH, Kosova, Mali i Zi, Maqedonia Veriore dhe Serbia, flisni anglisht dhe dëshironi të mësoni më shumë rreth edukimit medial- ju lutemi klikoni butonin ‘‘apliko tani’’ më poshtë.

Nxënësve të shkollave të mesme pjesëmarrëse do t'u mësohet një kurrikulë e fokusuar që do t'i lejojë ata të zbulojnë dhe parandalojnë dezinformimin, informacionin e falsifikuar dhe propagandën përmes ekzaminimit të diskurseve të lajmeve, agjendës mediatike, fenomeneve info-argëtuese, interesave publike/private në media, film, muzikë, etj.

MEET Western Balkans administrohet nga Këshilli Amerikan për Arsimin Ndërkombëtar. Fondet për këtë program vijnë nga Balkan Trust for Democracy, një projekt i Fondit Gjerman Marshall të Shteteve të Bashkuara dhe Ministrisë së Punëve të Jashtme Norvegjeze.

Nëse keni pyetje, ju lutemi kontaktoni: meetwb@americancouncils.org