Në emër të Ambasadës së SHBA-ve në Kosovë, ju informojmë se aplikimi për Fulbright Foreign Student Program (Programi Master) tashmë është i hapur për vitin akademik 2022-23.

Aplikimi online për vitin akademik 2022 për bursën KAEF është hapur! Fondi Kosovaro-Amerikan për Edukim (KAEF) ofron 6 bursa të nivelit master në vit për Kosovarë të talentuar, që të studiojnë në universitetet më prestigjioze në SHBA. Programi synon që të fuqizojë udhëheqësit e ardhshëm të Kosovës me njohuritë dhe mjetet për të promovuar zhvillimin ekonomik të vendit.

Gjatë muajit mars, ish-bursistët e programit YES dhe FLEX mbajtën dy punëtori për edukim mediatik për nxënësit e shkollave të mesme nga Kosova dhe Serbia. Këto punëtori ishin pjesë e programit MEET i cili mbështetet nga Ambasada Amerikane në Serbi dhe administrohet bashkërisht nga zyrat e Këshillit Amerikanë në Prishtinë dhe Beograd. Njëzet nxënës të shkollave të mesme nga Kosova dhe Serbia u takuan virtualisht për të mësuar rreth gazetarisë qytetare, lajmeve të rreme dhe propagandës, sigurisë në internet dhe gjithashtu për të mësuar rreth njëri-tjetrit.

Jemi të lumtur të ndajmë me ju edicionin e ri të buletinit të KAEF-it. Brenda këtij edicioni do të gjeni disa të reja rreth kampanjës për ngritje të fondeve "Kosovo's Future Begins with Education", njoftimin për konkursin e KAEF-it për vitin akademik 2022/23, profilet e gjeneratës së re të bursistëve të KAEF-it, si dhe disa profile të ish-bursistëve tanë.